კარგ ფიზიკურ ფორმაში ყოფნის სურვილი ფართოდაა გავრცელებული. ფიზიკური აქტივობის ერთერთი სახე - ფიტნესი, იმ ადამიანების ცხოვრების განუყოფელი ნაწილია, ვინც სხეულის ჰარმონიისკენ ისწრაფვის, ზრუნავს თავის ჯანმრთელობაზე და სურვილი აქვს მუდამ კარგად გამოიყურებოდეს.  ფიტნესი საკმაოდ ფართო ცნებაა და სხვადასხვა ტიპის ფიზიკურ აქტივობას მოიცავს: სატრენაჟორო დარბაზში ვარჯიში, ცურვა, სირბილი და ა.შ. სამედიცინო თვალსაზრისით, ფიტნესი ეხმარება გულს, სისხლძარღვებს, ფილტვებს და კუნთებს მაქსიმალურად ეფექტურ მუშაობაში. ასევე ახანგრძლივებს ახალგაზრდობას, ებრძვის ცელულიტს და აძლიერებს დიეტის ეფექტურობას. ფიტნესი ზრდის კუნთის ძალას, მოქნილობას, არეგულირებს სხეულის შემადგენლობას – ანუ სწორ თანაფარდობას მასას (კუნთები, ძვლები, ნერვული ქსოვილები, შინაგანი ორგანოები) და ცხიმს შორის.

          ფიტნესი – ცხოვრების ფილოსოფიაა. ის გიმუშავებს პოზიტიურ დამოკიდებულებას სამყაროს მიმართ და ცვლის ცხოვრების წესს, მოითხოვს არა მარტო მოძრობას და ფიზიკურ აქტივობას, არამედ კვების რაციონის, დღის რეჟიმის და მთლიანად ხასიათის და განწყობის ცვლილებას. ფიტნესის მთავარი “ღირსება” ისაა, რომ მისი მიზანი არა სპორტული შედეგების მიღწევაა, არამედ ცხოვრების ჯანმრთელი წესის დანერგვა. ყველა ფიტნეს აქტივობის და პროგრამის პრინციპია უსაფრთხოება და ჯანმრთელობის მაქსიმალურად გაუმჯობესება.

          ადამიანის ჯანმრთელობაში მხოლოდ მისი სხეული არ იგულისხმება. ფიტნესი ცხოვრების წესია, სადაც ჯანმრთელობა - ეს სამყაროსადმი და საკუთარი თავისადმი ჯანსაღი დამოკიდებულებაა. ფიტნესის ამოცანა სრულყოფილი ცხოვრებისაგან სიამოვნების მიღებაშია.

          ფიტნესის საშუალებით არამარტო სხეულის ფორმების სრულყოფა ხდება. ის მიმართულია უპირველეს ყოვლისა ადამიანის პიროვნული სრულყოფისაკენ, მისი შინაგანი სამყაროს გარე სამყაროსთან ჰარმონიზაცისკენ. საკუთარი ბუნების ძიება  და განვითარება საკუთარი ინდივიდუალიზმის შეცნობით და მნიშვნელობით – ეს არის ფიტნესის მთავარი არსი.  საკუთარი თავის გაგება და მიღება, პირველ რიგში სამყაროსთან ახალ დამოკიდებულებას აყალიბებს, კერძოდ: რეალობის ოპტიმისტური, დადებითი კუთხით აღქმა, საკუთარ ძალებში რწმენა  შენებისა და წარმატებისაკენ სწრაფვა.

          როგორც წესი, ის ადამიანები, ვინც ფიტნესით რეგულარულად დაკავებულები არიან, არ შეუძლიათ ვარჯიშისათვის ერთბაშად თავის დანებება. ხოლო თუ მაინც თავს ანებებენ, მათი სხეული ითხოვს ფიზიკურ დატვირთვებს. ყველაფერი ჩვევაა. ადამიანი, როგორც სმას ან სიგარეტის მოწევას ეჩვევა, ასევე ეჩვევა ჯანსაღი ცხოვრების წესს.

არსებობს ვარჯიშის სხვადასხვა ტიპი, რომლებიც მნიშვნელოვანია აღსავსე ვარჯიშისთვის:

           1) აერობული ვარჯიში:

          ტერმინი „აერობული“ ნიშნავს „ჟანგბადით“. Ამ ტიპის ვარჯიშის დროს ორგანიზმში ნახშირწყლების და ცხიმოვანი მარაგების წვა კუნთებში მიწოდებული ჟანგბადის ხარჯზე ხდება. აერობული ვარჯიშები საშუალო ინტენსივობისაა და დროში ხანგრძლივი. ცნობილია, რომ ვარჯიშის დაწყებიდან პირველი 20 წუთის განმავლობაში ენერგიის წყაროს კუნთებში დაგროვილი გლიკოგენის მარაგი წარმოადგენს, ამ მარაგების ამოწურვის შემდეგ კი ენერგიის წყარო ორგანიზმში დაგროვილი ცხიმების მარაგი ხდება. აერობული ვარჯიშების დროს პულსი თავისი მაქსიმალური სიხშირის დასაშვები ზღვარის 60-80% შუალედში მერყეობს. აერობული დატვირთვები  ცხიმის დაწვის საუკეთესო საშუალებად ითვლება, ამ მიზნით განსაკუთრებით შედეგიანია დილის საათებში უზმოზე ვარჯიში (მაგ: სირბილი).

          აერობული ვარჯიში მოიცავს ისეთ აქტივობებს, როგორიცაა სწრაფი სიარული, სირბილი, ველოსიპედით სიარული, ცურვა, აერობული ფიტნესის გაკვეთილები (კიკბოქსის ჩათვლით), ჩოგბურთი, ცეკვა, ეზოში მუშაობა, ჩოგბურთი და თოკზე ხტომა.

           2) ძალისმიერი ვარჯიში:

          ძალისმიერი ვარჯიში გადამწყვეტი კომპონენტია მობილურობისა და ზოგადი ფუნქციონირების გასაუმჯობესებლად. Ამ სახის ვარჯიში კუნთებს ამყარებს, რაც, თავის მხრივ, ხელს უწყობს სახსრების დაცვას. „კუნთების მასა მცირდება ასაკთან ერთად, რამაც შეიძლება მნიშვნელოვნად შეამციროს ცხოვრების ხარისხი“, - ამბობს რობერტ სალისი, მედიცინის დოქტორი და ოჯახის ექიმი. მისი და მრავალი სხვა ექსპერტის აზრით, ძალისმიერი ვარჯიშები აშენებს ძვლებსა და კუნთებს, რაც შემდეგ ემსახურება თქვენი სხეულის დაცვას დაზიანებებისგან.

           3) მოქნილობა:

          მოქნილობის ვარჯიშები ჭიმავს კუნთებს და აუმჯობესებს სახსრების მოძრაობის დიაპაზონს. მათ შეუძლიათ გააუმჯობესონ მოქნილობა და შეამცირონ ტრავმის რისკი სპორტული დატვირთვისა და სხვა საქმიანობის დროს. ექსპერტების რეკომენდაციები ყოველთვის ხაზს უსვამს მოქნილობის ვარჯიშის მნიშვნელობას ფიზიკური ვარჯიშის შესანარჩუნებლად.

დასვენება და აღდგენა

          დასვენებისა და გამოჯანმრთელების დღეების განრიგში ჩართვა სხეულს აძლევს შანსს განკურნოს ბუნებრივი და ჯანსაღი კუნთოვანი დაზიანება, რომელიც გამოწვეულია ვარჯიშის შედეგად.  ვარჯიში აძლიერებს სხეულს და კუნთებს, რაც სტრესს იწვევს.  ამ სტრესის გამოსწორების ან განკურნების გზა დასვენება და აღდგენაა, რითაც ორგანიზმი ძლიერდება. გამოჯანმრთელების დღეები შეიძლება საერთოდ არ მოიცავდეს ფიზიკურ აქტივობას ან  შეიძლება გამოიყურებოდეს აქტიური აღდგენის დღედ, რაც გულისხმობს დაბალი ინტენსივობის, დაბალი ზემოქმედების ვარჯიშის ფორმებს, როგორიცაა სიარული ან ნაზი იოგა.